Ky është vendi ku u dhunua barbarisht Elvi Fundo, Gazetari nga spitali: Rrugën time nuk e ndal dot pabesia! (FOTOT)

Ky është vendi ku ditë më parë u dhunua barbarisht gazetari Elvi Fundo.

Pranë zonës së Stacionit të Trenit, në mëngjes, mes shumë e shumë kalimtarëve.

”Skena e krimit dhe rruga e largimit. Burracakët dhe frikacakët sulmojnë gazetarët nga pas. Krimi dhe mediat e tij nuk më trembin dhe nuk më ndalin.”, shkruan këtë të premte Fundo, pas rehabilitimet të lehtë këto ditë.

”Thjesht më bëjnë më të fortë.”, shkruan ai nga spitali, duke përfunduar:

”Rrugën time nuk e ndal dot pabesia dhe sulmet pas shpine. As censura e ortakëve të tyre apo mbështetja politike e xhuxhëve të vjetër në politikë apo ata që duan të ngrenë të renë duke mbështetur krimin dhe mediat e saj.

Ka lufte pas shpine me dhunë dhe plumba, ka dhe luftë ballore me penë që vret më shumë se plumbi. Unë kam të dytën!!!!

Autorët dhe urdhëruesit të dy janë të humbur.

Beteja sapo ka filluar. Rust never dies!!!”

Ende 2 autorët e dhunës barbare nuk janë prangosur nga policia. Në spital Fundo u vizitua edhe nga ministri i Punëve të Brendshme Saimir Tahiri. Pas dhunës së tij reaguan edhe kryedemokrati Basha, kryeministri Rama, OSBE-ja dhe u solidarizuan me të shumë kolegë të medieve në Shqipëri. (V.G/SHUPLAKA)

[ngg_images source=”galleries” container_ids=”1323″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]