Deputeti i Lidhjes Demokratike të Kosovës, Arben Gashi, ka reaguar pas deklaratës së Presidentit të Kosovës, Hashim Thaçi, për dhënien e dorëheqjes në rast se nuk krijohet Ushtria e Kosovës.
Ai është shprehur për gazetën “Express” se largimi i Thaçit nuk çon shumë peshë dhe ai mund të zëvendësohet pa asnjë dilemë.
“Presidenti i Kosovës, Hashim Thaçi është i zëvendësueshëm dhe lirisht mund të jap dorëheqje. Nuk është edhe që brengosemi shumë për këtë . Për ne është e rëndësishme që raportet me miqtë ndërkombëtarë të mbesin të fuqishme. Për ne është shumë e rëndësishme që raportet me SHBA të jeni të mira dhe të fuqishme, të bëhet edhe ushtria në koordinim më këtë shtet”, është shprehur deputeti Gashi.
Ai ka theksuar rolin e SHBA-ve, duke thënë se kanë rëndësi mjaft të madhe për Kosovën: “SHBA ka rëndësi të madhe për Kosovën dhe popullin e saj. Kurse Hashim Thaçi mund të zëvendësohet lehtë dhe as nuk bënë të krahasohet se kush ka rëndësi më shumë për vendin tonë.” (XH.A/SHUPLAKA)
Discussion about this post