Sot do të mblidhet komisioni ad-hoc i Kuvendit për shqyrtimin e kandidatëve, verifikimin dhe vlerësimin paraprak të atyre që do të kandidojnë për KLGJ-në dhe KLP-në.
Ky fakt është bërë me dije pak ditë më parë nga institucioni i Avokatit të Popullit. Bëhet e ditur se mbledhja për kandidatët e Këshillit të Lartë Gjyqësor (KLGJ) dhe Këshillit të Lartë të Prokurorisë (KLP) do mbahet nën drejtimin e Totozanit.
“Avokati i Popullit në përmbushje të detyrimeve ligjore të parashikuara në nenet 27 dhe 125 të ligjit “Për organet e qeverisjes në sistemin e drejtësisë”, ka thirrur mbledhjen e Komisionit të Pavarur Ad Hoc. Mbledhja e Komisionit të Pavarur Ad-Hoc, për verifikimin dhe vlerësimin paraprak të kandidatëve për anëtarë të Këshillit të Lartë Gjyqësor dhe Këshillit të Lartë të Prokurorisë nga Avokatia, do të zhvillohet ditën e hënë, datë 13.03.2017, ora 14:00, pranë zyrave të Avokatit të Popullit”, citohen në njoftimin zyrtar të AP-së.
(XH.A/SHUPLAKA)
Discussion about this post