Si u gjetën dhe sekuestruan 47 çantat me drogë në Karaburun, fshehur e braktisur nga trafikantët

Gjatë operacionit të koduar “Mega”, u sekuestruan 47 çanta të mbushura me lëndë narkotike, konkretisht 1 ton e 283 kilogramë drogë.

Referuar burimeve të policisë, mësohet se sasia e drogës ishte e shpërndarë në vende të ndryshme përgjatë Gjirit të Bristanit në Karaburun.

Në pritje për t’u trafikuar, 47 çantat përplot me drogë, u gjetën në 3 vende të ndryshme në pyll, rreth 500 metra larg nga Gjiri i Bristanit. Sasia e drogës ishte fshehur dhe braktisur nga trafikantët, të cilët janë shpallur në kërkim nga policia.

(XH.A/SHUPLAKA)