Të kapësh vëmendjen e mediave ndërkombëtare është një nga sfidat më të mëdha të të gjitha shteteve të vogla. E sidomos ta fitosh vëmendjen për mirë. Kjo ka ndodhur me një gjel ‘’kosovar’’.
Një gjel i madh, pronar i së cilit është shqiptari Fitim Sejfiaj, ka pushtuar mediat e huaja, ndër to edhe Daily Mail dhe më vonë për të ka shkruar edhe CNN.
Nëse dëshironi të shihni këtë video me gjelin, rehatohuni sepse asgjë nuk do t’iu përgatis mjaftueshëm në momentin kur ai del nga kafazi, ka shkruar CNN.
Sipas mediave të huaja, për këtë gjel duhet të përgatiten një episod i plotë i “Planet Earth”.
Ky gjel mori vëmendjen e njerëzve mbarë botën në rrjetet sociale, të cilët e quanin video joreale sepse madhësia e gjelit duket e pamundur.
Mirëpo, është e konfirmuar se videoja me këtë dinozaur të kohës moderne është e vërtetë. (E.K/SHUPLAKA)
