Deputetja e LSI-së dhe njëkohësisht bashkëshortja e kreut të Kuvendit Ilir Meta, Monika Kryemadhi tregon se në 23 vite bashkë ka marrë vetëm një buqetë me lule nga dora e bashkëshortit.
“E ftuar në “Vila 24”, Kryemadhi tregon se bashkëshorti i saj nuk është aspak i dhënë pas dhuratave dhe surprizave.
”Nuk bën asnjëherë, fare, nuk është njeri që bën dhurata. Në 23 vite kam marrë vetëm një tufë trëndafila.
Ajo që më pëlqen te ai është mënyra e të sjellurit burrë. Madje kur më ka sjellë lulet kam ndenjur dy javë pa gjumë: Pse më ka sjellë lulet?!”, tregon Kryemadhi.
Më tutje deputetja tregon se në momentin e lindjes së vajzës së parë Borës, ka ndryshuar komplet jeta e tyre.
“Ndryshon sistemi i jetës, nga një njeri me të cilën ndihesh e lirë, kur vjen fëmija të ndryshon komplet jeta, kur e gjithë bota rrotullohet drejt teje, tani nuk drejtohet më drejt teje, pasi janë fëmijët.”, shton Kryemadhi. (D.D/Shuplaka)
Discussion about this post