Pas darkës së Ramës dhe Metës natën e mbrëmshme, pati shumë reagime në sferën mediatike shqiptare ku u aludua nga asnjë marrëveshje e arritur e deri tek emra të përveçëm për qeverinë e ardhshme.
Po ashtu, u vu re një tendencë e mediave pranë Ramës për të raportuar mbi një darkë të suksesshme e cila kishte lënë premisat për një 4-vjeçar tjetër qeverisjeje.
Por nga ana e politikës nuk ka patur deklarata të drejtpërdrejta për të treguar nëse mbrëmë vërtet u arrit diçka apo jo.
Kjo ishte panorama e raportimeve mbi darkën e mbrëmshme:
Rama e Meta dakordësojnë paktin për një mandat të dytë (TCH)
Nga marrëveshja e 1 prillit 4 vjet më parë tek darka e 2 prillit të së dielës në qeverisjen Rama-Meta nuk kanë shkuar mirë shumë gjëra dhe përplasjet janë shtuar veçanërisht gjatë vitit të fundit të qeverisjes.
Por darka e gjatë e së dielës duket se ia ka dalë të sheshojë të gjitha pakënaqësitë mes dy udhëheqësve të koalicionit, që mund të vinin në dyshim të ardhmen mes tyre. Takimi prej 4 orësh nuk ka qenë kokë më kokë dhe burime të mirinformuara bëjnë të ditur për Top Channel se gjatë darkës palët janë dakordësuar për rifreskimin e marrëveshjes për një mandat të dytë qeverisës.
Mbyllet pazari. Rama kryeministër, Meta, ministër i Brendshëm, Vasili, President (Syri)
Burime nga darka Rama-Meta thonë se më në fund darka u mbyll me një marrëveshje të re. Edi Rama kryeministër, Ilir Meta, ministër i Brendshëm dhe zv/kryeministër, Shezai Rrokaj kryetar parlamenti, Petrit Vasili President dhe PDIU jashtë kolicionit. Kjo marrëveshje është për pas zgjedhjeve parlamentare të 2017, ndërsa Petrit Vasili president mund të zgjidhet me ketë parlament. Këto janë informacione nga afër Veliajt. Duhet parë se sa serioze janë.
DETAJET e darkës katër orëshe: Ja për çfarë ranë dakord Rama-Meta (TEMA)
Edi Rama dhe Ilir Meta duket se kanë arritur një marrëveshje për vazhdimin e koalicionit edhe për 4 vitet e ardhshme, në darkën e djeshme. Burime të gazetës TemA bëjnë me dije se Rama dhe Meta kanë rënë dakord që të hyjnë në zgjedhje më 18 qershor.
Ndërkohë kreu i opozitës, Lulzim Basha është shprehur i vendosur për ta vijuar protestën deri në krijimin e qeverisë teknike, duke komentuar edhe darkën e Edi Ramës me Ilir Metën.
“Peshku është qelbur nga koka. Markatën e peshkut le ta komentojnë tregtarët”, -ka deklaruar Basha për gazetarët.
(M.D/ Shuplaka)
[ngg_images source=”galleries” container_ids=”1494″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
