Burime të Shuplakës pranë Partisë Demokratike bëjnë të ditur se pas takimit me aleatët, PD dhe opozita kanë marrë vendimin se nuk do të jenë të pranishëm në takimin e thirrur nga Meta, në orën 19:00 tek Kryesia e Kuvendit.
Kreu i Partisë Demokratike Lulzim Basha mbajti në orën 18:00 një mbledhje me aleatët në selinë blu. Ky takim u mbajt një orë përpara takimit që thirri Meta për të diskutuar mundësinë që PD dhe aleatët të shkonin në tryezën e thirrur.
Mësohet se gjatë mbledhjes, kryedemokrati ka diskutuar me aleatët mbi situatën politike në vend, si dhe ka informuar ata mbi takimet e zhvilluara një ditë më parë me negociatorët e BE.
Takimi i Bashës me aleatët zgjati deri në orën 19:30
Me herët Oerd Bylykbashi nga PD ka pasur një takim me kreun e Kuvendit Ilir Metën.
Disa minuta pas fillimit të mbledhjes së demokratëve, kreu i PAA-së, Agron Duka, pjesë e opozitës së bashkuar ka dalë nga mbledhja. Nuk dihet ende nëse do të marrë pjesë në tryezën e thirrur nga Rama.
(M.D/ Shuplaka)
