Spartak Braho është padyshim një nga kandidatët surprizë për PS-në nq qarkun e Tiranës. Edhe pse në 2013-tën u zgjodh nga PS-ja ai që në ditët e para iu bashkua Grupit Parlamentar të LSI-së.
Një nga deputetët më aktivë në LSI dhe kreu i Komisionit Parlamentar të Sigurisë në zgjedhjet e 18 Qershorit do të garojë sërish nën siglën e Partisë Socialiste.
Nuk dihet nëse ky vendim ka qenë një vullnet i lirë i deputetit apo moskandidimi nga LSI-ja bën që deputeti të kërkojë një tjetër ‘strehë’.
Po pavarësisht kësaj ajo që të bije në sy është pozicioni jo dhe aq komod që Rama ka vendosur për Brahon në listë.
Është renditur në pozicionin e 19-të nga 37 deputetë gjithsej që do të ketë Tirana. Pra më poshtë se gjysma e listës, ndoshta Braho dhe Rama janë të sigurt te suksesi, të mos harrojmë se edhe ministrja Harito renditet dy vende më poshtë në listën e Tiranës, e 21-ta.
Braho pak kohë më parë do të shkruante një letër të hapur në të cilën shprehej se PS dhe LSI kanë një rrugë të gjatë së bashku përpara dhe se alenca do të vijonte.
Nga ana tjetër kujtojmë se Braho ka qenë mjaft kundërshtues ndaj Ramës për përfshirjen e PDIU-së në koalicionin qeverisës.
Nëse lëvizja e Brahos është për mirë apo për keq do të na duhet të presim zgjedhjet e Qershorit. (E.K/SHUPLAKA)
