Sa orë gjumë duhet të flemë sipas moshës që kemi

Ne jetojmë në një botë moderne, ku gjërat lëvizin shpejt, koha fluturon dhe të gjithë kemi një lloj mënyre jetese të shpejtë.
Por, kjo nuk do të thotë se jemi duke bërë një jetë të shëndetshme. Ndonjëherë nuk kemi kohë të mjaftueshme për të pushuar, për të gatuar ushqimin e duhur ose për të fjetur mjaftueshëm dhe të gjithë ne e dimë se gjumi është jashtëzakonisht i rëndësishëm për të gjithë ne.

Është e vërtetë se askush nuk mund të jetë produktiv pa një gjumë të mirë gjatë natës. Kur flejmë, ne rimbushim bateritë tona.

Fjetja është gjë e rëndësishme për shëndetin tonë në përgjithësi. Është e rëndësishme për trupin tuaj, mendjen dhe çdo funksion vital të trupit.

Shumë njerëz kanë pyetur vazhdimisht se cila është kohëzgjatja e gjumit sipas moshës që ka njeriu, lajmi.net në një artikull, i rendit si më poshtë disa  rekomandimet.

ORARET E GJUMIT SIPAS MOSHAVE

-I porsalinduri (0 deri në 3 muaj): 14 deri në 17 orë.

-Bebet (4 deri në 11 muaj): 12 deri në 15 orë

-Fëmijët (1 deri 2 vjeç): 11 deri në 14 orë

-Parashkollorët (3 deri në 5 vjeç): 10 deri në 13 orë

-Mosha e shkollës (6 deri 13 vjeç): 9 deri në 11 orë

-Adoleshentët (14 deri në 17 vjeç): 8 deri në 10 orë

-Të rinjtë (18 deri në 25 vjeç): 7 deri në 9 orë

-Të rriturit (26 deri 64 vjeç): 7 deri në 9 orë

-Të moshuarit (mbi 65 vjeç): 7 deri në 8 orë.

VËREJTJE: Këto nuk janë orët e sakta për secilin njeri, sepse secili ka mënyrën e vet të përcaktuar të gjumit që i nevojitet trupit të tij, por, është evidente se nëse flini më pak sesa orët e rekomanduara më lartë, gjasat për të patur probleme shëndetësore rriten.

Për ata që nuk bëjnë gjumin të qetë, këtu keni disa këshilla që mund t’ju ndihmojnë për ta përmirësuar gjumin. Është ideale që para se të shkoni në shtrat të lexoni një libër të mirë, por mund t’i bëni edhe gjërat e listuara më poshtë:

Ushtroni çdo ditë

-Mos shikoni TV 1 orë para se të shkoni në gjumë

-Shmangni alkoolin

-Mos pini kafe para gjumit

-Zhvilloni një rutinë të shëndetshme të gjumit

-Qëndroni brenda orarit tuaj të gjumit

-Zgjedhni dyshekun dhe jastëkun që ju përshtatet.