“Nëse do kishte vërtet një zemërim popullor atje, situata do ishte ndryshe”

Analisti i njohur Fatos Lubonja, ka deklaruar se do të donte të kishte më shumë protestues në protestën e sotme të opozitës.

I ftuar në emisionin “Kjo Javë” të gazetares Nisida Tufa, Lubonja u shpreh se protesta e sotme ishte paqësore, mirëpo ai mendon se njerëzit që morën pjesë janë ata që janë më shumë të lidhur me Partinë Demokratike.

“Këndvështrimi i përgjithshëm është se kur dëgjoj analizat para Bashës, ndaj analizën dhe shqetësimin që shprehin ata për gjithë ato gjëra që tashmë janë bërë sindroma e njohur e Shqipërisë. Do doja më shumë njerëz që të protestonin.

Mendoj se përgjithësisht në sheshin që pamë, janë ende njerëzit që janë më shumë të lidhur me PD në një mënyrë apo një tjetër. Mendoj se ka një frustrim të madh nga ana e opozitës se do të bëjë gjëra të dhunshme e populli nuk shprehet dot.

Kujtojmë se edhe në vende të tjera ka patur protesta të dhunshme. Edhe në Greqi ka patur protesta të tilla. Po në vendet e tjera policia e rendi nuk janë të qeverisë. Nëse do kishte vërtet një zemërim popullor atje, situata do ishte ndryshe”, u shpreh Lubonja.

Pas protestës së sotme, ku ish-kryeministri Sali Berisha deklaroi se bëhet fjalë për 600 mijë pjesëmarrës, është diskutuar mjaft për numrin e protestuesve. Madje edhe kryeministri Rama i cili tha që bulevardi sot i dukej bosh. (D.D/Shuplaka)