Saimir Tahiri nga njësia nr.5 u ka bërë thirrje të rinjve që të dalin në votime dhe të votojnë për të ardhmen e tyre. Ai deklaroi para të rinjve se Shqipëria mund të eci përpara edhe pa ata që sduan të marrin pjesë në votime.
Sipas tij Shqipëria mund të eci përpara me të rinj të cilët duan ta vendosin vetë fatin e tyre. Tahiri tha se ata që kanë qeverisur për 8 vite me radhë Shqipërinë nga frika e drejtësisë, po kërkojnë ta mbajnë peng vendin. Tahiri tha se në 18 Qershor me votë, do t’i jepet fund gjeneratës së politikës së vjetër.
“Shikojeni çfarë thonë praktikisht dhe duan t’i thonë të gjithëve, se Shqipëria nuk mund të eci përpara në qoftë se nuk janë edhe ata aty. Në fakt Shqipëria sigurisht që mund të eci përpara. Nuk ka nevojë për ata. Shqipëria ka nevojë për të rinj dhe të reja që vendosin për fatin e tyre.
Nuk ka nevojë për njerëz që duan ta mbajnë peng. Shqipëria ka nevojë për njerëz që i japin forcë idesë së tyre dhe bashkohen. Nuk ka nevojë për ata që duan ta mbajnë peng Shqipërinë, ka nevojë për ata që bashkohen në datë 18, me ne, me Partinë Socialiste, me ju, me të rinjtë. Këtu në Tiranë dhe në çdo cep të Shqipërisë për fitoren që meriton’’ theksoi Tahiri. (B.H/Shuplaka)
Discussion about this post