Lefter Koka për ndarjen nga jeta të Kadelit: Dhimbje e madhe, nuk do qeshim më si dikur

Pas ndarjes nga jeta të deputetit të LSI Gjovalin Kadeli ka reaguar edhe ministri i Mjedisit Lefter Koka. Ai është shprehur se është pa fjalë dhe se për  të kjo është dhimbje e madhe.

Shkrimi i Kokës:

Lamtumirë Gjove, Lamtumirë mik i zemrës!
Nuk kam fjalë të them sot! Ne të dy, nuk do jemi më krah më krah , ne të dy nuk do ulemi më shtruar në biseda të gjata, ne të dy nuk do qeshim më hareshëm si dikur! 
Dhimbje madhe për mua, dhimbje e madhe për të gjithë ne! Ike shpejt duke na lënë pas në dëshpërim e plagë të thellë, që as koha nuk do t’i shërojë dot. 
Fëmijët e tu do të jenë përherë krenarë, për babain e përkushtuar, njeriun e respektuar me kurajo dhe plot dinjitet! Mos rri me kokën pas, fëmijët e tu kanë ne, Gjove i dashur!
E dhimbshme ikja jote e parakohshme, por Zoti të desh pranë! T’u prehtë shpirti në paqe, e na ruaj e beko nga atje lart! 
Lamtumirë i shtrenjti Mik! Nuk do të të harrojmë kurrë !

(M.D/Shuplaka)