E ulur në gjunjë pranë gjyshit të saj, kandidatja e Partisë Socialiste në Dibër ka nevojë të marrë disa këshilla. Është fjala për Almira Xhembulla e renditura në vendin e dytë në listën e këtij qarku.
Videon e ka publikuar vetë kryeministri Rama në profilin e tij në rrjetet sociale. Kujtojmë se ditën e djeshme ai ka zhvilluar disa takime elektorale në zonën e Dibrës.
‘’Gjyshi 100 vjeç dhe mbesa e tij, deputetja socialiste e Dibrës, Almira Xhembulla’’, shkruan kryeministri.
‘’Veç e pastër, jo me inat, jo me intriga, respekto nderin tat, respekto nderin tonë’’, dëgjohet që të jenë këshillat e gjyshit.
Më pas ka pasur dhe një përqafim të ngrohtë mes të dyve, dhe ajo që mbetet të shihet është sa këshillat e gjyshit do të zbatohen nga mbesa.
Xhembulla ka qenë më parë pjesë e shoqërisë civile dhe ky do të jetë angazhimi i saj i drejtpërdrejtë në politikë. (E.K/SHUPLAKA)
Discussion about this post