Panariti në Korçë shpalos programin e LSI-së: Zero taksat për Bujqësinë, do iu kthejmë të rinjve shansin për arsim dinjitoz

Ministri i Bujqësisë Edmond Panariti ka vijuar me takimet e tij në Qarkun e Korçës. Panariti, është kryesuesi i LSI-së për Qarkun e Korçës.

Në një takim me banorët e Buçimasit ai shoqërohej nga kryetari i LSI Pogradec, njëkohesisht kandidat për deputet, Genti Çala, kandidatja Aida Musollari dhe Kryetari i LSI per Njësinë Buçimas, Roshi Tollozhina.

Ata shpalosën programin e Lëvizjes Socialiste për Integrim, për 4 vitet e ardhshme të qeverisjes. “Lëvizja Socialiste për Integrim, një ndër shtyllat kryesore të programit të saj, ka zhvillimin e bujqësisë dhe 5-fishimin e fondeve për të”, iu tha Panariti të pranishmëve në takim, duke shtuar me tej se, “zerimi i taksave për bujqesine,për imputet bujqësore, farat apo agregatet, është një nga objektivat tona”.

Më tej, ministri i Bujqesise foli edhe për mbrojtjen e prodhimit vendas, duke minimizuar importet e produkteve bujqësore nga vendet e tjera, madje edhe të subvensionuara nga shtetet respektive, në momentet kur prodhimi vendas është në kulmin e tij.

“Kjo është një nga mënyrat më të mira për t’ju mbrojtur ju, fermerët dhe çdokënd që merret me bujqësi. Ndërkohë që taksat do të jenë zero për bujqësinë. LSI e ka në programin e saj ndihmën, me qëllim që fermerët të mëkëmben, të nisin zgjerimin dhe fuqizimin e tyre”, theksoi Panariti. 

Kryesuesi i listës së LSI për qarkun Korçë, iu tha banorëve tëTushemishtit se, një nga mënyrat perspektivat e zhvillimit te vendit, është edhe arsimimi i mire.

 Sipas Panaritit, programi i LSI është mjaft i qartë për arsimin, duke iu krijuar shansin fëmijëve, të rinjve për një shkollim dinjitoz. Madje, Panariti iu kërkoi të pranishmëve në takim, edhe orientimin e studimeve të femijëve të tyre, drejt degëve që kane perspektivë, siç është agronomia, akuakultura, mjekësia veterinare etj, që lidhen me këta sektorë. (E.K/SHUPLAKA)