Një person i cili ishte shpallur në kërkim për abuzim me të mitur, më në fund ka rënë në prangat e policisë. Policia e Vlorës bën me dije se bëhet fjalë për 66-vjeçarin Gjergji Memokondaj banues në fshatin Babicë të këtij qyteti.
Denoncuesja e tij është një vajzë 15 vjeçare, e cila jeton sëbashku me gjyshen e saj Festime Halilaj. Mirëpo me ta bashkëjetonte edhe partneri i gjyshes, Gjergji Memokondaj.
Njoftimi i policisë:
Policia ka arrestuar një person në kërkim të dënuar me 4 vite e 5 muaj burg! Arrestohet shtetasi Gjergji Memokondaj, 66 vjeç, banues në fshatin Babicë.
Policia ka bërë kapjen dhe arrestimin e shtetasit Gjergji Memokondaj, pasi ky shtetas ka qenë shpallur në kërkim për veprën penale “Marrëdhënie seksuale ose homoseksuale me dhunë me të mitur të moshës 14-18 vjeç”, parashikuar nga neni 101/1 i Kodit Penal.
Vepër penale për të cilën Gjykata e Rrethit Gjyqësor Vlorë me Vendimin nr.593, datë 03.12.2014, e ka dënuar këtë shtetas me 4 vite e 5 muaj burg. (D.D/Shuplaka)
Discussion about this post