Vetëm dy ditë më parë moderatorja e Tv Klan, Floriana Garo ka dhënë lajmin se është fejuar. Një detaj ky i pa bërë publik më parë nga Garo. Lajmin e bukur e dha vetë ajo në rrjetet sociale, ku veçse publikoi një kolazh fotosh nga ceremonia, na tregoi edhe për fejesën.
“Të dashur miq, desha të ndaja me ju lajmin e mrekullueshëm të fejesës time! Jam shumë shumë e lumtur!”, shkroi Floriana Garo në Instagram, ku pati edhe shumë reagime nga miqtë dhe fansat e saj.
Por kush është djali misterioz që ia rrëmbeu zemrën Floriana Garos?
Ai quhet Enis Daci dhe është avokat. Disa vite më parë Daci shkoi të jetojë në Zvicër ku përfundoi studimet në Gjenevë, qytet ku jeton dhe punon prej vitesh.
Enisi ka hapur atje një studio avokatie, e cila është ndër më të rëndësishmet në vend. Duhet të theksojmë që Enisi dhe Floriana janë takuar për herë të parë në Francë dhe pas pëlqimit të dyanshëm vendosën që të mbajnë edhe kontaktet në vazhdim, edhe pse kjo një lidhje në largësi.
Vetëm pas pak jave komunikimi, Floriana udhëtoi drejt Zvicrës, udhëtime që në vazhdim do të bëheshin edhe më të shpeshta, pasi aty ajo kuptoi se gjeti dashurinë e vërtetë.
Po kështu verën e kaluar çifti kaloi disa ditë romantike pushimesh në Bali, ndërsa tani janë në prag të martesës. Ende nuk dihet se kur do të martohen por na ngelet vetëm të presim. Ashtu siç shihet edhe në këto foto Garo është shumë e lumtur. (J.V/Shuplaka)
[ngg_images source=”galleries” container_ids=”2184″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post