Vetëm një ditë më parë në teatrin “Andon Zako Çajupi”, të qytetit të Korçës ka ndodhur një skandal përsa i përket hyrjes në këtë teatër të qytetarëve për të parë një shfaqje.
Qytetarët e Korçës, të cilët kishin blerë bileta për të parë shfaqjen nuk janë lejuar që të futen në teatër. Madje ata kanë pritur jashtë kësaj godine duke pritur për t’u futur por gjithsesi nuk është gjendur hapësirë që ata të futen brenda për të parë shfaqjen.
Madje kjo ka ndodhur pikërisht në ditën kur teatri hapi dyert pas rikonstruktimit disa mujor të tij dhe vuri në skenë një shfaqje klasike, duke mirëpritur kështu edhe artistët e Teatrit të Operas dhe Baletit me veprën “Liqeni i Mjellmave”.
Por çfarë ka ndodhur?
“Shuplaka” mëson se nga Tirana mbrëmjen e djeshme në Korcë në teatrit “Andon Zako Çajupi” zbarkoi ”borgjezia” e Tiranës dhe ata iu kanë zënë vendet qytetarëve për të parë shfaqjen.
Ende nuk dihet se kush ka bërë këtë shkelje dhe kush i ka dhënë biletat me mik por theksojmë që drejtoresha e këtij institucioni është Zamira Kita. Gjithçka shihet qartë edhe te këto foto ku biletat iu kanë ngelur qytetarëve në dorë pasi nuk janë lejuar të futen brenda.
Po kështu mësohet gjatë mbrëmjes së djeshme në këtë teatër është shfaqur edhe një dokumentar që përmbledh punën e të gjithë atyre që kanë kontribuar në këto 65 vite në këtë teatër. (J.V/Shuplaka)
