Pas dhunimit të kryefinancieres së Poliklinikës së Ersekës e identifikuar si Kristina Stoja nga Shefja e Personelit, ka ardhur reagimi i Partisë Socialiste Kolonjë.
Sipas PS-së së qytetit juglindor, ngjarja është me motive personale midis dy protagonisteve.
Po ashtu, PS shkruan se shpreh kerqardhje për politizimin e ngjarjes dhe se sipas tyre të dëshpëruarit po vetëviktimizohen dhe duhet të ruajnë qetësinë.
Ajo është dhunuar në ambientet e poliklinikës nga shefja e Personelit, Dorina Tallo 32 vjeçe.
Mësohet se autorja e ka kërcënuar shefen e Financës së kësaj poliklinike me largim nga puna në rast se nuk votonte Partinë Socialiste. Veç kësaj e ka dhunuar fizikisht duke i shkaktuar shenja dhune në fytyrë e duke i thyer syzet optike.
Autorja e ka kërcënuar 55-vjeçaren me largim nga puna nëse ajo nuk votonte PS-në.
(M.D/Shuplaka)
Discussion about this post