Presidenti i Ukrainës, Petro Poroshenko, deklaroi se pas miratimit të liberalizimit të vizave për qytetarët e tij, Ukraina “i ka thënë lamtumirën e fundit Bashkimit Sovjetik dhe perandorisë ruse”, raporton Anadolu Agency.
Kryetari i Këshillit Evropian, Donald Tusk dhe presidenti i Ukrainës Poroshenko, pas një takimi dypalësh në ndërtesën e KE-së organizuan një konferencë të përbashkët për mediat.
Duke vënë në dukje se gjatë 2 muajve të fundit Ukraina ka arritur suksese të shumta, Poroshenko tha se “Këto janë ditë historike për Ukrainën. Pas dhënies së liberalizimit të vizave për qytetarët e Ukrainës, ne ia thamë lamtumirën e fundit Bashkimit Sovjetik dhe perandorisë ruse”.
Poroshenko theksoi se Ukraina tani i është afruar BE-së dhe shprehu vendosmërinë për përmbushjen e reformave të Marrëveshjes së Partneritetit me BE-në.
Poroshenko tha se ka bërë thirrje për ndërtimin e paqes në Ukrainë dhe se ka mirëpritur deklarimin për atë se sanksionet e vendosura nga SHBA-të dhe BE-ja për Rusinë do të vazhdojnë derisa ky shtet t’i përmbushë kushtet e marrëveshjes së Minsk-ut.
Duke u shprehur se Rusia ka shkelur “brutalisht” marrëveshjen e Minsk-ut, Poroshenko tha se injorimi i armëpushimit nga Rusia, duke vrarë civilët dhe ushtarët ukrainas është i papranueshëm. (M.D/Shuplaka)
Discussion about this post