Pjesëmarrje e ulët në orët e paradites, festa e Bajramit një nga shkaqet. Ç’pritet të ndodhë pasdite

Deri më tani nga raportimet që ka bërë Komisioni Qendror i Zgjedhjeve pjesëmarrja e qytetarëve në votime ka qenë përgjithësisht e ulët.

Kështu në një deklaratë për mediat zëdhënësja e Komisionit Qendror të Zgjedhjeve, Drilona Hoxhaj, bëri me dije se pjesëmarrja se deri në orën 13:00 në rang vendi është 25.69%. Nga 5362 qendra votimi, vetëm 26% , 1414 qendra votimi kanë raportuar. Krahasuar me këtë vit, pjesëmarrja në 2013-ën ishte 53.47%.

Po në fakt një nga faktorët që mund të ketë ndikuar në lidhje me këtë numër të ulët të qytetarëve është dhe fakti se sot për besimtarët myslimanë është festa e Bajramit.

Kjo është një festë që në fakt mban të lidhur gjatë pjesës së parë të ditës duke festuar drekën të gjithë familjarët dhe ndoshta pjesa e dytë e ditës do të jetë dhe ajo që do jetë e dedikuar kutive të votimit.

(E.K/SHUPLAKA)