Në një deklaratë për mediat, kryetari i KQZ-së, Klement Zguri, u bëri thirrje institucioneve që të ndjekin hap pas hapi procesin zgjedhor dhe të marrin masat e nevojshme. Në apelin drejtuar politikanëve, ai kërkoi që ata të respektojnë heshtjen zgjedhore.
Lidhur me pretendimin se Klement Zguri pengoi transmetimin e fjalës së Metës nga Lezha nëpër televione, Zguri i hodhi poshtë këto pretendime duke u shprehur se nuk ka dhënë urdhër për ndalimin e fjalës së politikanëve.
“U bëj thirrje institucioneve ligjzbatuese të ndjekin hap pas hapi e të marrin masa për një proces të ndershëm. KQZ është i vendosur të zbatojë Kushhtetutën dhe ligjin elektoral . U bëj thirrje liderëve politikë të respektojnë ligjin mbi heshtjen zgjedhore deri në orën 19:00. Nuk kam urdhër për ndalimin e fjalës së politikanëve shqiptarë kushdo qofshin.
Deklarata e KQZ-së është kjo që sapo lexova. Ka të bëjë me gjithë mënyrën si po zhvillohet procesi. Po shkon mirë, madje shumë mirë, por për shkak të disa parregullsive më duhet të dilja e t’u kujtoja përgjegjësinë që kanë disa persona. Procesi po shkon shumë mirë dhe po monitorohet në cdo cep të territorit të Shqipërisë.
I drejtohem gjithë administratës zgjedhore. Për ne të rëndësishme nuk janë partitë, por procesi.” , u shpreh Zguri ndër të tjera.
(XH.A/SHUPLAKA)
Discussion about this post