Me goma dhe automjete në mes të rrugës, banorët e Dërmenasit protestë kundër kompanisë që punon për TAP

Banorët e fshatit Dërmenas në Fier janë mbledhur së bashku për të protestuar kundër punimeve që po kryen një kompani që punon në këtë zonë për projektin TAP.

Në videon e shpërndarë nga “Nisma Thurrje”, shihet se si banorët kanë bllokuar rrugën me automjetet e tyre dhe duke shpërndarë goma makinash nëpër rrugë.

Ata kërkojnë që kompania të respektojë marrëveshjet dhe të rregullojë rrugën që është shkatërruar nga kalimi i mjeteve të rënda.

(XH.A/SHUPLAKA)