Ditën e djeshme Gjykata dënoi me 10 vite burg Ermal Hoxhën, ndërsa portalet u morën gjërë e gjatë me faktin qe bashkëshortja e tij ishte “duke festuar” në Francë. Ndërkohë që kundërpërgjigja e saj sot është vërtet tronditëse.
Pavarësisht se është në një gjendje që askush nuk do ta dëshironte ajo ka pasur ftohtësinë që me argumente t’iu përgjigjet të gjitha mediave që abuzuan me të.
Media të ndryshme kanë shkruar se ajo ka qenë duke festuar duke iu referuar fundjavës që ka qenë në Paris, ndërkohë që dënimi i bashkëshortit të saj ka ardhur vetëm dje.
Ajo vijon më tej duke thënë se në gjithë këto vite ajo ka dëgjuar tituj lajmesh nga më abuzivët dhe sërish i ka duruar. Ndërsa tani shprehet se me këto media do të përballet vetëm në gjyq.
Reagimi i Rezarta Shkurtës:
I di si i thonë kësaj historie?
Mirë problemi, po stë lënë rehat as mizat!
Gjatë këtyre dy vjetëve, kam njohur botën, njerëzit më shumë seç kisha mundur ta bëja për 28 vite jetë. Kam njohur dashakeqësine e pangopur të gazetarëve, per disa klikime e për disa komente te njerezve të frustruar në jeten e tyre. Pa marrë fare parasysh çfarë ndikimi mund të shkaktojnë tek familjarët.
Këto vite kam lexuar cmenduri të tipit “Ermali në burg, Rezarta në plazh” pa marrë parasysh që isha me familjen, apo “Ermali në burg, Rezarta qeshë”
Rezarta do qeshë, do shkojë në plazh sepse kam një princeshë për ta rritur të lumtur, dhe do qeshë sepse Ermalin e kam shëndosh e mirë dhe vendi ku ai ndodhet ka nje derë, e cila do hapet një ditë. Dhe për të ja vlen të presësh vitet që më duken ditë, mbase dhe një jetë të tërë!
Kam bërë durim me ju, nuk kam dashur të hap luftë sepse kam kuptuar që shkrimet, sensacioni është pjesë e punës tuaj!
Por tani e tepruat!
Për të gjitha shkrimet ku keni dëmtuar emrin tim, ku më keni bërë me ferrari, helikoptera, e anije kozmike do te mbani pergjegjesi para ligjit! #goodluck
(E.K/SHUPLAKA)
