Pas ngjarjes së rëndë pranë gjimnazit “Partizani”, një ngjarje e ngjashme ka ndodhur edhe në Elbasan. Sot në aksin rrugor Elbasan-Xibrakë ditën e sotme ka patur disa të shtëna me armë zjarri. Paraprakisht, policia bën me dije se aks ka patur një konflikt midis disa personave, mirëpo për fat të mirë ky rast nuk shënon të lënduar, pasi gjatë konfliktit dyshohet të jetë qëlluar me armë zjarri në ajër.
“Gjatë kqyrjes së vendit të ngjarjes grupi hetimor në afërsi të karburantit në aksin rrugor Elbasan – Xibrakë ka gjetur dhe sekuestruar në cilësinë e provës materiale: dy gëzhoja pistolete kalibër 9 mm. Grupi hetimor po punon për sqarimin e plotë të rrethanave të ngjarjes”, thuhet në njoftimin e policisë.
Sakaq mësohet se njëri nga personat që është përfshirë në konflikt, me inicialet S.M, aktualisht është i shoqëruar në Komisariat dhe po merret në pyetje për sqarimin e rrethanave të ngjarjes. (D.D/Shuplaka)
Discussion about this post