Shqipëria dhe Maqedonia kanë nisur një bashkëpunim të ri këtë sezon turistik. Në bazë të një marrëveshjeje të realizuar midis ministrisë të Brendshme të dy vendeve respektive, në Sarandë dhe në Strugë do të bashkëpunojnë me njëra tjetrën policia shqiptare dhe ajo maqedonase.
“Ky bashkëpunim ka për qëllim rritjen e parametrave të sigurisë në të dy vendet, shkëmbimin e përvojave mes dy policive për përballimin e flukseve turistike, krijimin e një impakti pozitiv tek qytetarët respektivë, si dhe ardhjen në ndihmë të turistëve dhe pushuesve nga të dy vendet.”, thuhet në njoftimin e policisë.
Sakaq mësohet se ky bashkëpunim nuk do të mbyllet në përfundim të sezonit veror por do të zgjasë përgjatë gjithë vitit.
DETAJET:
Sarandë-Strugë
Në kuadrin e zbatimit të Protokollit të Bashkëpunimit ndërmjet Ministrisë së Punëve të Brendshme të Republikës së Shqipërisë dhe Ministrisë së Punëve të Brendshme të Republikës së Maqedonisë përgjatë sezonit turistik, protokoll ky, i cili është firmosur më datë 5 shtator 2014, në Sarandë dhe në Strugë po kryejnë shërbim punonjës të dy policive përkatëse.
Ky bashkëpunim ka për qëllim rritjen e parametrave të sigurisë në të dy vendet, shkëmbimin e përvojave mes dy policive për përballimin e flukseve turistike, krijimin e një impakti pozitiv tek qytetarët respektivë, si dhe ardhjen në ndihmë të turistëve dhe pushuesve nga të dy vendet.
Zbatimi i këtij protokolli ka dhënë frytet e para ku qytetarët e të dy vendeve janë shprehur të kënaqur nga prezenca e Policisë së vendit të tyre duke u ndjerë më të sigurt. Kjo tregon se ky bashkëpunim duhet të shtrihet përgjatë gjithë vitit, kryesisht në zonat turistike.(D.D/Shuplaka)
Discussion about this post