Kryeministrja e Serbisë, Ana Brnabiç, ka deklaruar se me rëndësi për Serbinë është mënyra se si do sillet Maqedonia për anëtarësimin e Kosovës në UNESCO. Duke përsëritur edhe njëherë se personeli I ambasadës së Serbisë është tërhequr nga Shkupi për shkak të veprimit kundërzbulues, ajo zbuloi gjithashtu se gjatë takimit në Trieste,
“Kryeministri i Maqedonisë, Zoran Zaev, i kishte thënë se Maqedonia do të tregohet e përmbajtur në lidhje me votimin e anëtarësimit të Kosovës në UNESCO.
“Kryeministri i Maqedonisë (Zoran Zaev) mua në Trieste qartë dhe pa mëdyshje më tha se ata do të përmbahen për votimin mbi anëtarësimin e Kosovës në UNESCO. Unë e mbaj për fjalë. Për mua është me rëndësi që kolegët e rajonit të mbajnë fjalën”, tha Brnabiç, raporton AA.
Brnabiç shtoi se më 26 gusht do të shkojë në takimin joformal të kryetarëve të qeverive nga vendet e Ballkanit Perëndimor në Durrës. Ky takim i kushtohet integrimeve rajonale.(B.H/Shuplaka)
