Britania shkakton panik tek qytetarët e BE-së, urdhërohen gabimisht që të largohen nga vendi

Ministria e Punëve të Brendshme britanike u ka dërguar gabimisht letra rreth 100 qytetarëve të BE-së, të cilët jetojnë në Britani.

Në letër shkruhej se ata duhet të braktisin këtë vend. Ministria e ka përshkruar si gabim të pakëndshëm, pasi që për të drejtat e qytetarëve të tillë është duke u negociuar.

Eva Johanna Holmberg, një historiane finlandeze, ishte një nga marrësit.

“Nuk mund t’i besoja sytë”, tha Dr. Holmberg për BBC, duke thënë se kishte kontaktuar me një avokat për të pyetur nëse ajo mund të apelonte kundër dëbimit.

Por, pasi rasti i saj nxiti një zemërim, Zyra e Shtëpisë u detyrua të kërkojë falje për gabimin.

“Ne kemi folur me znj. Holmberg për të kërkuar falje për këtë dhe për të siguruar që ajo të mund të qëndrojë në Britani të Madhe,” thuhej deklaratë.

Zëdhënësi tha se rreth 100 letra të ngjashme janë dërguar.

“Ne jemi duke kontaktuar të gjithë ata që kanë marrë këtë letër për të sqaruar se ata mund ta shpërfillin atë,” tha ai.

“Ne jemi absolutisht të qartë se të drejtat e qytetarëve të BE që jetojnë në MB mbeten të pandryshuara”.

Britania është në negociata me Bashkimin Evropian për statusin e ardhshëm të qytetarëve evropianë që jetojnë në Britani dhe britanikë në BE pas Brexit.

Emigracioni ishte një çështje e rëndësishme për fushatën Brexit dhe kryeministri Theresa May premtoi të ulë numrin e shtetasve të BE që lëvizin në Britani.

“Kjo është një gjë e turpshme”, tha James McGrory, kreu i grupit pro-BE.

“Nuk është çudi që shumë qytetarë të BE ndjehen të shqetësuar për statusin e tyre të ardhshëm në Britani të Madhe kur dëgjojnë për njerëzit me çdo të drejtë që të jenë këtu duke marrë letra që kërcënojnë deportimin e tyre”, tha ai.

(B.H/Shuplaka)