U zgjodh kryetar i grupit parlamentar të PS-së, Taulant Balla MESAZH falenderimi për kolegët

Pas zgjedhjes si kryetar i grupit Parlamentar, Taulant Balla ka falenderuar kolegët e tij socialist të cilët e kanë votuar.

Balla shprehet se rëndësi primare për të dhe çdo deputet tjetër socialist do të jetë bashkëqeverisja dhe angazhimi me njerëzit.

“Faleminderit kolegëve të Grupit Parlamentar për besimin e madh. PS e vetmja forcë në Shqipëri me standarde demokratike në vendim-marrje. Bashkëqeverisja dhe angazhimi me njerëzit në çdo cep të Shqipërisë i çdo deputeti socialist do të ketë rëndësi primare.”, shkruan Balla.

Kujtojmë se në mbledhjen me dyer të mbyllura të grupit parlamentar, përmes një votimi të fshehtë Balla u zgjodh kryetar me 69 vota pro. Nga 5 deputetët e mbetur, katër munguan në votim, ndërsa vetëm njëri votoi kundër. Ishte kryeministri Edi Rama, ai që e propozoi Ballën për këtë post. (D.D/Shuplaka)