U dogj në 70% të trupit të saj, 2-vjeçarja Altea Jubi gati për t’u kthyer në Shqipëri. Lajmin e gëzueshëm e jep vetë Rama (FOTOT)

Vogëlushja 2-vjeçare Altea Jubi është jashtë rrezikut për jetën. Lajmin e ka dhënë vetë kryeministri Edi Rama, i cili shkruan: “A ju kujtohet Altea, bebja që u dogj dhe kishte vetëm një fije shprese për jetën? Sot ajo është jo vetëm përfundimisht jashtë çdo rreziku, po gati për t’u kthyer në shtëpi me prindërit e saj”.

Kujtojmë se dy muaj më parë, kryeministri Edi Rama është kujdesur personalisht për ta dërguar vogëlushen për mjekim të specializuar në Turqi, pasi gjendja e saj ishte tejet e rëndë dhe prindërit nuk kishin mundësi financiare për mjekimin.

Altea vetëm 2 vjeç, kishte rënë në një tenxhere me qumësht të përvëluar dhe është djegur në një pjesë të madhe të trupit. Në rreth 70%. (D.D/Shuplaka)