Ish-deputeti i PD-së dhe ministër, Besnik Mustafaj, i ftuar rubrikën ‘Opinion’ në ‘Neës24’, ka treguar dy momentet më të rëndësishme për të në 26 vjet pluralizëm.
Sipas tij kundërvënia e rinisë shqiptarë ndaj sjelljes së armëve kimike në Shqipëri, dhe reagimi i Shoqërisë Civile dhe opinionit publik kundër ligjit të mbetjeve, janë dy momentet ku ai është ndier i ngazëllyer.
“Në këto 26 vite të pluralizmit, dy janë momentet kur unë jam ndjerë disi i ngazëllyer. Së pari kur rinia iu kundërvu sjelljes së armëve kimike për t’u shkatërruar në Shqipëri, dhe së dyti kundërvënia e shoqërisë civile dhe opinionit publik ndaj ligjit të plehrave. Në një gazetë franceze thuhej, ‘e çuditshme kjo ambicia shqiptare për ta kthyer vendin në një kosh plehrash’.
Pra është absurde të bëhet diçka e tillë. Ka patur dy qëndrime të ndryshme të Ramës në opozitës dhe në qeverisje. Dhe nga ana tjetër ka një lob që merret me menaxhimin e mbetjeve që ka influencë të madhe në parlament, por edhe te Rama. Bllokimi që i bëri Nishani këtij ligji, dhe tërheqja e tanishme nga Parlamenti, tregon se sensibilizimi i opinionit publik, mund ta detyrojë këtë politikë të veprojë më shumë në interes të shqiptarëve?”, u shpreh Musfataj. (B.H/Shuplaka)
Discussion about this post