E kanë denoncuar me fakte në emisionet televizive gazetarët degradimin e policisë së shtetit por me sa duket gjithçka është mbyllur aty për aty me një mesazh ‘Ëhatsup”-i në telefonin e tyre ”Të fala Fronti i së Keqes”. Ky është rrëfimi që bën gazetari i kronikës së zezë Flamur Vezaj, i cili tanimë është larguar nga Shqipëria. Ai e thotë me ironi ”Bravo çuna, Policia që duam”, duke iu referuar shprehjes tipike që ish-ministri Saimir Tahiri përdorte kur ishte në detyrë.
”Kur në këtë emision e gjetkë jepnim fakte për mosfunksionimin e disa strukturave të policisë së shtetit nga keqmenaxhimi dhe mungesa e profesionalizmit nga drejtuesit e emëruar me mesazhe “Whatsup” nga ministri, na dërgoheshin “të fala” me shprehjen “Fronti i së keqes”!
Ja degradimi i strukturës së policisë, nuk bëjmë dot veprime hetimore (me arsyetimin e lejeve vjetore)!!Jo mo jo, thoni të vërtetën qe “politika ju ka dhene urdher qe mos te ndiqen keta individ se i duhen partise!
Ja ku ka përfunduar policia e atij kompetentit që thoshte “e kam reformuar policinë” e që tani zë miza nga fundi i Kuvendit!
Sistemi është qelbur së bashku me një pjesë të prokurorisë së krimeve të rënda që kundrejt shumave të ndryshme parash pushojnë dosjet ose i kalojnë për kompetencë në prokuroritë e rretheve!”, komenton Vezaj duke ironizuar kryeprokurorin Adriatik Llalla, i cili çdo vit thotë se në vjeshtë do ketë arrestime të bujshme por realisht nuk ndodh asgjë. (V.G/SHUPLAKA)
Emisioni i djeshëm ”Opinion” ku u diskutua lidhur me operacionin e policisë në Elbasan
Discussion about this post