Dritan Demiraj jep alarmin: Krimi po terrorizon qytetet, zyrtarë komunistë po drejtojnë vendin

Ish-ministri i Brendshëm teknik Dritan Demiraj ka shpërthyer në akuza të ashpra ndaj kryeministrit Edi Rama dhe maxhorancës në vend.

Demiraj shprehet se vendi është kapur sërish nga komunizmi. Ai shkruan nga Washington DC se Shqipëria është kapur sërish nga komunizmi, pasi ish-zyrtarë të dikaturës janë rikthyer me bekimin e Ramës. Ky i fundit sipas tij, mban në xhaketë yjet e Fidel Castros, ndërsa ambasadorët heshtin.

REAGIMI:

Të nderuar miq!
Në një takim për nder të Muajit të Trashgimisë Latine, Presidenti Trump i përcolli komunitetit Kubanez vendosmërinë e SHBA-se për të luftuar komunizmin dhe mbështetur lirinë dhe Demokracinë në Kubë.

Shqipëria është e kapur sërish nga Komunizmi. Ish-Zyrtarë të lartë të diktaturës komuniste janë rikthyer me bekimin e Edi Ramës dhe drejtojnë shtetin.

Edi Rama “mban” yjet e Fidel Castros në xhaketë dhe u rikujton shqiptarëve bunkerët dhe simbolet traumatizuese të regjimit.

Shqiptarët po ikin masivisht si në kohën e ambasadave dhe anijeve famëkeqe te vitit 1990. Krimi po terrorizon qytetet si dikur sigurimi i shtetit dhe “agjitacion propaganda”.

Dhjetëra mijëra shqiptarë u burgosën në burgjet komuniste vetëm pse donin lirinë dhe ishin properëndimorë, ndërkohë ambasadorët e shteteve perëndimore heshtin. (J.V/Shuplaka)