Meta takim me Drejtorin për Europën Qendrore në NDI: E rëndësishme të investojmë për të rinjtë

Presidenti Meta priti në një takim sot Drejtorin për Europën Qendrore dhe Lindore në Institutin Demokratik Amerikan (NDI), Robert Benjamin.

Duke vlerësuar kontributin e NDI në Shqipëri , Meta nënvizoi rëndësinë e investimit në mënyrë që të rinjtë të mos largohen nga vendi, duke e quajtur këtë “investim në dobi të vendit”.

Ndërsa theksoi më tej edhe rëndësinë që ka pjesëmarrja e të rinjve përmes shoqërisë civile dhe partive politike. Në takim u fol gjithashtu edhe mbi zhvillimet në rajon dhe rëndësinë që ka forcimi i zërit dhe përfaqësimit të shoqërisë civile për secilin vend dhe për rajonin në tërësi. (J.Sh/Faxweb)