Ndryshon data, ja kur mund të kontrolloni përgjigjet e Lotarisë Amerikane

Ambasada Amerikane në Tiranë ka njoftuar se data kur do të dalin përgjigjet për lotarinë amerikane nuk do të jetë më 1 maj por data 15 maj.

Sipas njoftimit të ambasadës amerikane këtë vit përgjigjet për lotarinë Amerikane do të mund të kontrollohen online ne date 15 maj 2018. Data është e vendosur nga Departamenti Amerikan i Shtetit.

Duke filluar nga 15 maji 2018, për të parë nëse janë përzgjedhur, të regjistruarit e DV-2019 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve. Kontrolli i Statusit të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten dhe anëtarët e tyre të familjes.

Departamenti gjithashtu do t’u konfirmojë të përzgjedhurve datat e tyre të intervistave për vizë nëpërmjet Kontrollit të Statusit të Regjistruarve.

(B.H/Faxweb)