Është arrestuar nga policia e Tiranës një 27-vjeçar pasi ishte i shpallur në kërkim pasi gjykata kishte vendosur ndaj tij masën e sigurisë “Arrest me burg”. Ali Mena ka plagosur me armë zjarri një person me iniciale XH.V.
DETAJE:
Shërbimet e Seksioni për Hetimin e Krimeve ndaj Jetës në Drejtorinë Vendore të Policisë Tiranë, në vijim të punës për kapjen e shtetasve të shpallur në kërkim kanë bërë të mundur kapjen dhe ndalimin e shtetasit:
– Ali Mena, 27 vjeç, banues në Tiranë.
Kapja dhe ndalimi i tij u bë, pasi ky shtetas ishte person i shpallur në kërkim nga ana e D.V.P.Tiranë.
Gjykata e Rrethit Gjyqësorë Tiranë ka vendosur ndaj këtij shtetasi masën e sigurisë “Arrest me burg”, për veprat penale të “Vrasje me paramendim”, e mbetur në tentativë dhe ” Prodhim dhe mbajtje pa leje e armëve luftarake dhe e municionit” parashikuar nga neni 78/1, 22, e 278/1 të Kodit Penal.
Më datë 11.07.2017, në rrugën ” Sabaudin Grabani” nga një konflikt i çastit midis shtetasve A.F. dhe E.F., me shtetasit Ali Mena e Xh.V., ka ngelur i plagosur me armë zjarri shtetasi Xh.V. (J.V/Faxweb)
Discussion about this post