Ka nisur mbarë viti 2018 dhe në fushën e dashurisë dhe zyrtarizimit të lidhjeve.
Që në ditën e parë të këtij viti Izmir Smajlaj, medalisti shqiptar i atletikës, i ka fejesën të dashurës së zemrës dhe siç mund ta merrni me mend, përgjigja e saj ka qenë “PO”.
“Të sapofejuar”, – shkruan Smajlaj në foton e publikuar në rrjetet e tij sociale ku shfaqet krah biondes simpatike.
Por dje ka thënë “PO” një tjetër personazh i njohur në botë. Bëhet fjalë për multimilioneren Paris Hilton, e cila nuk i ka rezistuar dot propozimit të të dashurit të saj, aktorit dhe modelit Chris Zylka.
Ata kanë një diferencë moshe prej 4 vitesh, por disa histori Hollywood-i, madje edhe shqiptare, e kanë provuar se ky nuk është një problem.
Paris e ka marrë propozimin në dëborë dhe në postimin e saj në instagram thotë se është e lumtur që tashmë është fejuar me dashurinë e jetës se saj, që është njëherësh shoku i ngushtë dhe shpirti i saj binjak.
“Jam vajza më me fat në botë, ti je ëndrra ime e bërë realitet. Faleminderit që më bëre të besoj se përrallat ekzistojnë”, – shkruan ndër të tjera Paris.
(E.K/FAXWEB)
Discussion about this post