Pak minuta më parë ka ndodhur një aksident në aksin Maqellarë- Shupenzë dhe si pasojë kanë mbetur të lënduar 2 persona.
Burime nga policia bëjnë me dije se rreth orës 11.00, të ditës së sotme, janë njoftuar se në aksin rugor Maqellarë-Shupenzë, janë përplasur dy automjete.
DETAJE:
Ndërsa nga verifikimet paraprake kanë konstatuar se : Në vendin e quajtur ‘Rotonta’, aksi Maqellarë-Shupenzë, është përplasur mjeti tip “benz” me drejtues shtetasin Gj.M, banues në Gjoricë, Bulqizë me mjetin tip “Opel”, me drejtues shtetasin G.M, banues në Bllatë, Dibër.
Për pasojë është dëmtuar lehtë pasagjeri B Xh, 50 vjeç, banues në Gjoricë, që udhëtonte me mjetin tip “Benz”, si dhe drejtuesi i mjetit tip “Opel” shtetasi G.M, 32 vjeç. Të dëmtuarit po marrin ndihmë mjekësore në Spitalin e Peshkopisë dhe ndodhen jashtë rrezikut për jetën. Grupi hetimor vijon hetimet për zbardhjen e shkaqeve të aksidentit. (J.V/Faxweb)
Discussion about this post