Ka përfunduar mbledhja e Grupit Parlamentar të PD-së, ndërsa janë marrë edhe vendimet në lidhje me protestën e parë që pritet të nis. Data është e njëjtë me atë që publikuam edhe dje, 27 Janari.
Ora e protestës nuk është vendosur ende ndërsa pritet që të ketë një konsultim të Bashës me krerët e PD-së në rrethe. Pritet që protesta të zhvillohet përpara kryeministrisë.
Nga ana tjetër PD ka vendosur që të jetë e pranishme në seancën e parë parlamentare që do të mbahet të hënën e ardhshme.
Sot po ashtu ka pasur një takim mes Monika Kryemadhit dhe krerëve të LSI-së në rrethe.
Burime nga LSI-ja kanë bërë të ditur se Kryemadhi ka bërë thirrje që të gjitha strukturat të ngrihen në këmbë kundër kryeministrit të drogës.
‘Të gjithë strukturat e LSI-së të jenë në këmbë kundër kryeministrit të drogës dhe varfërisë. Organizim kapilar i LSI-së për rezistencë pa kompromis ndaj banditizmit qeveritar’, është shprehur Kryemadhi.
(E.K/FAXWEB)
Discussion about this post