Esmeralda Ruko, nëna e dy fëmijëve që u gjend nën një furtunë kritikash në rrjetet sociale pasi qarkulloi një foto me një mbishkrim ku ajo nxirrte në shitje dy fëmijët e saj pasi i kishte me ish-burrin, rrëfen pjesë nga jeta e saj tani në Greqi.
Po cila është e vërteta e kësaj historie dhe kush qëndron pas këtij statusi? Edhe pse ka pasur reagime dhe sqarime të ndryshme si nga Esmeralda ashtu edhe nga ish bashkëshorti i saj në lidhje me këte çështje.
Fax News ka vendosur t’i shkojë deri në fund kësaj çështje dhe pasqyrimit të së vërtetës. Grupi i xhirimit ka udhëtuar me kilometra drejt shtetit fqinj Greqi, konkretisht drejt fshatit Gastuni në Patra, atje ku jeton Esmeralda Ruko së bashku me dy fëmijët e saj.
Sapo mbërrijmë atje na pret Esmeralda së bashku me familjen e saj.
Vetë Esmeralda dhe familjarët e saj na tregojnë sesi e mësuan këtë histori Esmeralda bën fajtor ish-bashkëshortin për gjithë këtë situatë, pasi e gjithë kjo ka ardhur si pasojë e dhunës që ai ushtronte ndaj saj. Këtë dhunë e ka pranuar edhe vetë ish-bashkëshorti në një intervistë të dhënë për Fax News.
Por Esmeralda nuk ka pranuar kurrsesi të jetë ajo autorja e statusit në Facebook, duke u shprehur se po sakrifikon çdo ditë e më tepër për mirëqënien e fëmijëve. Më të prekur nga gjithë kjo histori, janë fëmijët të cilët janë të shokuar. Me lot në sy Eresi 9-vjeçar tregon dhunën psikologjike nga babai i tij dhe vuajtjet nga një qendër në tjetrën në Shqipëri.
E pyetur nëse do rikthehej me ish-bashkëshortin e saj, ajo e ka mohuar në mënyrë kategorike. Kjo histori i ka befasuar të gjithë.
Një fqinj e Esmeraldës në Greqi, tregon sesa e përkushtuar është ajo ndaj fëmijëve. Këtë fakt e pohon edhe kryetari i fshatit Gastuni ne Greqi atje ku Esmeralda Ruko punon.
Më herët për këtë histori për Fax Neës kanë folur edhe të afërm të Esmeraldës në fshatin Roskovec të Fierit, konkretisht xhaxhai i saj.
Esmeralda shprehet se ka kërkuar ndihmë nga shteti shqiptar e konkretisht te Ministrja e Çështjeve sociale, por e vetmja gjë që ka marrë është thjesht një telefonatë.
Ajo që Esmeralda dhe familjarët e saj kërkojnë është vënia në vend e drejtësisë dhe marrja e masave për këtë situatë.
https://www.youtube.com/watch?v=iMjBcIVoTvE&feature=youtu.be
Discussion about this post