Kryetarja e LSI-së Monika Kryemadhi ishte e pranishme në Konventën Kombëtare Studentore të LRI-së.
Gjatë fjalës së saj Kryemadhi, tha se të rinjtë janë e ardhmja e vendit,por jo për kryeministrin Rama. Sipas saj kryeministri Rama ka një plan biznesi, ku kërkon të largojë të rinjtë nga vendi. Ajo iu theksoi të rinjve që kurrë të mos e shesin të ardhmen e tyre për një të ardhme të pasigurt.
“Reziku më i madh është humbja e shpresës. Rama kërkon të na kthejë në diktaturën e krimit. Vetëm të rinjtë mund ta ndalin këtë fenomen. Mos protestoni për flamuj politikë por për fëmijët tuaj. Në 27 vite kjo klasë politike bëri vetëm demagogji. Që t’i shërbesh vendit duhet të jesh i ditur. Qeveria do të kthejë tokat në fusha plehrash.
Ky duhet të jetë vendi i të rinjve dhe të rejave shqiptare. Do të keni sfida të mëdha përballë, do ju kërcënojnë juve dhe prindërit. Do të kërkojnë tu blejnë, por kurrë mos e shisni të ardhmen tuaj për një të ardhme të pasigurt, që as vetë Edi Rama nuk e di si e ka. Do ju lutesha si një nënë, ndërtojeni të ardhmen tuaj duke dashur vendin tuaj dhe duke valëvitur flamurin tonë kombëtar, i cili është më i bukuri në botë. “, u shpreh Monika Kryemadhi. (J.V/Faxweb)
Discussion about this post