Një sherr masiv mes disa personash, mbrëmjen e djeshme në Bolonja në Itali, ka lënduar dy të mitur shqiptarë. Të miturit mbetën të plagosur pas një sulmi me thikë.
Ngjarja në fjalë ndodhi dje rreth orës 18:00 në ‘Piazza del Nettuno’ në Bolonja.
Siç raportojnë mediat italiane, mësohet se dy shqiptarët u plagosën nga dy bashkatdhetarë të tyre, por më të mëdhenj në moshë.
Nga hetimet e deritanishme rezulton se dy të miturit kishin kaluar pranë një grupi të rinjsh, diku tek 5 persona, dhe pasi ishin konfliktuar, dy prej tyre i kishin goditur me thikë.
Njëri prej tyre mbeti i plagosur në këmbë dhe tjetri në shpatull.
Agjensia italiane e lajmeve Ansa shkruan se pak pas ngjarjes dy autorët u arratisën nga vendi i ngjarjes. Sakaq, dy të plagosurit ndodhen në spital, fatmirësisht jashtë rrezikut për jetën.
Ndërkohë, policia ka nisur hetimet për kapjen e dy autorëve si dhe zbardhjen e ngjarjes.
Discussion about this post