Një aksident i rëndë ka ndodhur mëngjesin e sotëm, në afërsi të Rrogozhinës. Treni i linjës Fier-Elbasan ka përplasur për vdekje një 81-vjeçar, teksa ky i fundit ka qenë duke kaluar shinat.
P.V, 81-vjeç i ka prerë rrugën trenit, duke shkaktuar dhe përplasjen fatale.
Policia ndodhet në vendngjarje së bashku me drejtuesin e trenit dhe po punon për zbardhjen e rrethanave të plota të këtij aksidenti.
Detajet e policisë:
Më datë 07.06.2018, rreth orës 08:30, në dalje të Rrogozhinës treni i linjës “Fier – Elbasan”, ka aksidentuar me pasojë vdekjen këmbësorin P. V., rreth 81 vjeç.
Këmbësori P. V., në momentin e aksidentimit ka qenë duke kaluar shinat e trenit.
Shërbimet e policisë dhe drejtuesi i trenit ndodhen në vendngjarje, po kryhen veprimet e mëtejshme hetimore dhe proceduriale.
(E.K/FAXWEB.AL)
