Antoneta Myrtaj, 57-vjeçe u qëllua me sqepar nga bashkëshorti i saj Ferik Myrtaj, 65 vjeç, banues në Memaliaj.
Për Fax news ajo ka treguar momentet e tmerrit kur e ka parë veten të mbuluar nga gjaku. Nënë e tre vajzave, ajo shprehet se dhunën e ka përjetuar që shumë herët, kur ajo vetë ishte ende një vajzë e re.
Burri i saj duke qenë se pinte vazhdimisht, jo pak herë e kishte dhunuar dhe më pas e bënte të jetonte me frikë.
‘’Më qëlloi me sqepar, ishte i pirë. Më fal pse më qëllon i thashë, më fal më fal. Kisha shumë hemoragji, erdhën ca çuna, erdhi policia dhe më pas më ndihmuan.
Kam tre vajza, edhe kur isha vajzë e re më qëllonte. Pinte bëhej tapë, nuk e kam denoncuar nga turpi. Vajza e madhe më tha që është penduar. I thashë unë nesër më godet prapë, ku të vete unë?’’, shprehet Antoneta për gazetaren e Fax News Ervina Shehaj.
Myrtaj u arrestua nga ana e policisë, po sipas një prej vajzave të çiftit, ai kishte shfaqur shenja pendese për krimin që kishe kryer.
(E.K/FAXWEB.AL)
