Trump paralajmëron aleatët: Kushdo që bën biznes me Iranin nuk do të bëjë me ne

Presidenti i SHBA Donald Trump ka paralajmëruar të gjithë  vendet që bëjnë biznes me Iranin, pas ri-vendosjes së sanksioneve ndaj këtij shteti.

“Kushdo që bën biznes me Iranin nuk do të bëjë me Shtetet e Bashkuara”, lajmëroi presidenti Trump npërmes një postimi në Twitter.

Ditën e djeshme presidenti Trump nënshkroi urdhrin ekzekutiv që riktheu sanksionet menjëherë pas mesnate, parashikohet që një seri e dytë sanksionesh të hyjnë në fuqi më 5 nëntor.

Ndërkohë presidenti iranian Hassan Rouhani i cilësoi masat si “luftë psikologjike”, që synonin të “mbjellin ndarjen midis iranianëve”. Bashkimi Evropian ka folur gjithashtu kundër sanksioneve, ndërsa u zotua që të mbrojë firmat që bëjnë “biznes të ligjshëm”.

Vendosja e sanksioneve pason tërheqjen e SHBA nga marrëveshja bërthamore e nënshkruar më parë. Marrëveshja e negociuar gjatë presidencës së Barack Obamës, parashikonte që Irani të kufizonte aktivitetet e tij bërthamore në këmbim të heqjes së sanksioneve.

(J.D/Faxweb.al)