Transferimi i Ronaldos tek Juventus është parë nga të gjithë si një fitore e madhe, mirëpo ditëve të fundit po qarkullon një lajm i rrezikshmërisë së debutimit të tij në Seria A, për shkak të mundësisë së sulmeve terroriste.
Kjo është frika më e madhe që mbizotëron në stadiumin e Chievos, “Bentegodi”, me Prefekturën e Veronës që ka vendosur të marrë masa për të ngritur një njësi antiterroriste.
Sipas ” Il Corriere Veneto” njësitë antiterroriste do të vendosen në një funksion parandalues, me rastin e ndeshjes të së shtunës, që do të shënojë debutimin e Cristiano Ronaldos në Seria A.
Njësitë Sos të Carabinierit dhe Uopi della Polizia do të vendosen pranë Stadiumit Bentegodi. Këto janë patrullime kundër terrorizmit që tashmë janë të punësuar në Verona për të monitoruar objektiva të ndjeshme ose për ngjarjet që kërkojnë masa maksimale të sigurisë.
(E.V/Faxweb.al)
Discussion about this post