Gazetari investigativ Basir Çollaku, i ftuar në studion e emisionit “Opinion” ka sulmuar Prokurorinë e Krimeve të Rënda lidhur me hetimet e saj ndaj çështjes “Babale”.
Çollaku ka akuzuar Prokurorinë e Krimeve të Rënda se po shkelin ligjin, nndërsa reshtoi arsyet dhe argumentet e tij për akuzën në fjalë.
“Kampioni i zërit nuk merret në një ditë, merret në kushte të njëjta dhe 7 ditë radhazi. Prokuroria e Krimeve të Rënda po mban në kompetencat e saj diçka që në fakt duhet ta delegonte në Prokurorinë e Tiranës. Sepse kallëzimi i rremë nuk është në kompetencat e saj. Prokurorët që po e bëjnë këtë janë në shkelje të rëndë”, tha Çollaku, ndërsa shtoi se për këtë arsye ajo po sillet si parti politike.
“Prokuroria është në shkelje të pastër dhe po sillet si një parti politike”, – shtoi çollaku.
(B.B/ Faxweb.al)
