Kryeministri Edi Rama në një konferencë të përbashkët me homologun e Kosovës Ramush Haradinaj është pyetur nga gazetarët dhe për çështjen e kufijve me Serbinë.
Rama u shpreh: Qëndrimi im është ai që e kam thënë që në fillim, se është një çështje që duhet trajtuar me vision të qartë strategjik. Na takon të gjithëve që të ulemi dhe të shohim të ardhmen në mënyrë strategjike.
Nuk mund të vazhdohet me serinë e një dialogu që ecën e ecën me takim dhe fotografi, dhe nuk aplikohet në teori. Shqiptarët duhet të bashkohen si një komb me dy shtete që dëshirojnë të jetojnë në paqe.
Ndërkohë që pyetjes së një gazetari të mediave në Kosovë: A ke marrëveshje të fshehtë me Vuçiç për ndarjen e Kosovës?, Rama u shpreh se kjo gjë nuk është e vërtetë dhe të gjitha janë aludime mediatike: Hashim Thaçi është presidenti i Kosovës dhe komandanti i Ushtrisë së Kosovës. Kush thotë se Thaçi është tradhtar është një gomar.
Ndërkohë që kryeministri i Kosovës Haradinaj u shpreh qartë se nuk do të ketë një rishikim të kufijve me Serbinë në dëm të shqiptarëve.
Edhe më herët Haradinaj ka qenë i prerë në qëndrimin e tij kundër tezës së Thaçit, e cila kohëve të fundit ka dalë paska nga qarkullimi.
Ndërkohë që një nga shqetësimet e ngritura nga Haradinaj ka qenë përfundimi i ndërtimit të Rrugës së Kombit, që lidh dy shtetet shqiptare: Unë e kam një shqetësim më të madh se taksa 5 euro, unë dua që ajo të kryhet. I takon kryeministrit Rama me e përmbyllë rrugën e Kombit, ne jemi gati që të paguajmë atë që na takon.
(E.K/FAXWEB.AL)
Discussion about this post