Ditën e sotme në Komisionin e Ligjeve është rrëzuar dekreti i presidentit Meta për ligjin për “Noterinë”, pavarësisht se u kundërshtua nga PD dhe LSI.
Meta argumentonte se ligji për noterinë kishte mospërputhje me Kushtetutën dhe mangësi ligjore, e megjithatë këto konkluzione nuk janë marrë parasysh nga socialistët.
Në këtë mbledhje nuk janë evituar as përplasjes mes palëve, ku Ulsi Manja është shprehur se LSI është zëri i Presidentit në Kuvend.
Ulsi Manja: Kemi dalë në fazën e diskutimeve të dekretit. Fjalën po ja jap zonjës Caka, se e ka kërkuar me pare. Dhe meqë është edhe zëri i Presidentit në komision.
Silva Caka: Lëri komentet Ulsi, muhabete 5 lekshash
Ligji për noterinë është kundërshtuar dhe nga grupet e interesit, siç është dhoma e noterisë së Tiranës.
Krahas këtij ligji, Meta ka kthyer për rishqyrtim në Kuvend edhe ligjin për “Kadastrën”, ndër ligjet më të rëndësishme për procesin e pronësisë në vend, i cili është pjesë e paketës së reformës së pronës.
Argumentet e Presidentit në këtë projektligj duket se kanë bindur maxhorancën, e cila ka vendosur që disa nga rekomandimet e kreut të shtetit t’i marrë në shqyrtim dhe t’i miratojë ato.
(E.K/FAXWEB.AL)
Discussion about this post