Kryeministri Edi Rama gjatë në takimi në qytetin e Përmetit tha se ka ardhur koha që kryetari i Bashkisë së Përmetit, Niko Shupuli i cili është zgjedhur nga radhët e Partisë Demokratike të largohet nga detyra.
“Faleminderit shumë për mikpritjen. Faleminderit shumë, megjithëse është një ditë pushimi dhe një ditë goxha e ftohtë. Ju jeni këtu për të na shprehur mbështetjen dhe unë e çmoj shumë”, – deklaroi Rama gjatë fjalës së tij.
Duke folur për punën e kryetarit të basjhkisë së këtij qytetio, Rama theksoi: “Unë nuk jam nga ata që flasin keq për kryetarët e bashkisë që nuk janë të partisë, por besoj që është koha që kryetari i bashkisë të shkojë në shtëpi dhe në bashki të jetë një njeri i zgjedhur nga të gjithë, por që vjen aty, jo për të shpenzuar taksat tuaja për të mbajtur me rroga njerëz mbi numrin e nevojshëm, por për t’ua kthyer ju shumë fishbesimin dhe për të bërë për ju shumëcka. Kryetari i bashkisë është këtu i zgjedhur me votat e atyre. Të gjithë e shohim të vërtetën e ndryshimit të madh mes nesh dhe atyre. Përmeti është lënë pas dore”, – tha Rama
Kryeministri si gjithmonë e shoqëroi fjalën e tij edhe me batuta kur me sa duket njëri nga të pranishmit ndërhyri teksa ai po fliste. “Po ça ka ai, tani rakinë e keni të mirë por duhet kujdes me rakinë e Përmetit. Tani keni edhe ujë 24 orë, merreni çojeni të uji. Por megjithatë rakia nuk është keq sepse ndryshe nga Zoti, rakia ta merr mendjen dhe ta kthen prap”, – thaRama duke përsëritur një nga batutat e Brrylit.
Discussion about this post